Ног 2016 азмæ бирæ нал баззад æмæ уын мах ныридæгæн фадат дæттæм базонын, цас бæрæгбæттæ, кусгæ æмæ улæфты бонтæ нæм æнхъæлмæ кæсы. Къæлиндармæ хаст æрцыдысты хуссарирыстойнаг бæрæгбæттæ иууылдæр.
Банысан кæны хъæуы уый, цалдæр бæрæгбоны æмрæстæджы кæй æрхаудысты официалон улæфты бонтæм, ома сабат кæнæ хуыцаубонмæ. Афтæ ма ног азы 366 бонæй — 122 сты улæфты бонтæ, ома азæн йæ æртыккаг хай кæндзыстæм улæфгæ.
