16:33 05 ТÆРГÆЙТТЫ МÆЙ
 2021
Комкоммӕ эфир
  • EUR88.93
  • USD74.43
Ног хабӕрттӕ
Чысыл дӕнцӕг
1010

Сфӕлыстадон коллектив ӕрцӕудзӕн Цхинвалмӕ апрелы, уымӕй размӕ гастрольтӕ фӕкъуылымпы сты пандемийы аххосӕй

ЦХИНВАЛ, 11 фев— Sputnik, Плиты Фатимӕ. Цӕгат Ирыстоны Тӕбӕхсаты Балойы номыл паддзахадон академион ирон театр ӕрцӕудзӕн гастрольты Цхинвалмӕ уалдзӕджы, фехъусын кодта Sputnik уагдоны директор Уалыты Мӕдинӕ.

Дыууӕварсон гастрольтӕ уымӕй размӕ къуылымпы кодта коронавирусы фӕдыл уавӕр. Мадзӕлттӕ ӕххӕст цӕуынц дыууӕ сфӕлыстадон коллективы хсӕн бадзырды фӕлгӕтты, кӕцы фидар ӕрцыд 2019 азы.

"Нӕ уазджыты репертуар нырма фидаргонд не рцыд, фӕлӕ хъуамӕ уа ӕппӕтварсон - уыдзӕн дзы комеди, трагеди ӕмӕ аргъау", - загъта директор.

Йӕ ныхӕстӕм гӕсгӕ, бынӕттон кӕсӕгӕн фадат уыдзӕн ӕввахс рӕстӕджы спектакль "Бременские музыканты" фенын дыууӕ труппӕйы ӕххӕстӕй.

"Спектакль равдисдзысты Ирон театры труппа Цхинвалы. Хуссар Ирыстоны паддзахадон театры дӕр спектаклыл срӕвдз кӕндзысты куыст",- бафтыдта уый.

Хуссар Ирыстоны сфӕлыстадон къорд та Дзӕуджыхъӕумӕ фӕнд кӕны ацӕуын фӕззӕджы райдайӕны.

Сӕйраг темӕтӕ