Цъинагары трагеди рох никуы уыдзӕн: Хуссар Иры мысынц гуырдзиаг агрессийы амӕттӕгты

Хуссар Ирыстоны ӕрымысыдысты Цъинагары трагедийы амӕттӕгты рухс нӕмттӕ. Фыдбылыз ӕрцыд 1991 азы 28 апрелы - уӕд Цъинагары авд цӕрӕджы фыдмард кодтой гуырдзиаг боевиктӕ.

"Уыцы уӕззау хабӕрттӕ ӕрцыдысты 29 азы размӕ. Хъӕу сабырӕй йӕхи цард кодта, уӕдмӕ фыййӕуттӕ фехъуыстой, зӕгъгӕ, сыхаг хъӕуӕй гуырдзиаг неформалты фӕндыд фос аскъӕрын. Цалдӕр ирон лӕппуйы ацыдысты ӕххуысмӕ, фӕлӕ уый ӕнхъӕл нӕ уыдыстӕ ӕмӕ сӕ хӕрдӕй ӕхсын райдзайдзысты. Авдӕй дзы мард ӕрцыдысты - Бибылты Гиви, Дудайты Тенгиз, Мӕргъиты Отар, Чертхъоты Славик, Хуыбылты Зауыр, Хуыбылты Отар ӕмӕ Хуыбылты Таймураз – уыдоны нӕмттӕ рох ма хъуамӕ ӕрцӕуой", - радзырдта Бестауты Эмзар.

Уый ма банысан кодта, ӕрвылаз дӕр Цхинвал æмæ районты цæрджытæ кӕй фӕцӕуынц дидинтæ æвæрынмæ трагедийы амӕттӕгты цыртмӕ.