17:34 16 РУХÆНЫ МÆЙ 2019
Комкоммӕ эфир
  • USD63.83
  • EUR70.67
Скалодром

Хуссар Иры байгом уыдзӕн сывӕллӕтты скалодром

© Flickr/ Alessandro Valli
Спорт
Чысыл дӕнцӕг
53 0 0

Республикӕйы фыццаг экстрим-парк фӕзындзӕн Цхинвалы ӕвзонг натуралистты станцы

ЦХИНВАЛ, 31 янв - Sputnik, Гӕбӕраты Ян. Цхинвалы ӕвзонг натуралистты станцы цӕттӕ кӕнынц Хуссар Ирыстоны фыццаг сывӕллӕтты скалодромы бакондмӕ.

Проекты автор, республикон ӕвзонг натуралистты станцы директор Мӕргъиты Ирбег фехъусын кодта Sputnik, базӕйы ныридӕгӕн кӕй ис ӕнӕмӕнгхъӕугӕ экипировкӕ, экстрим-парк бакӕндзысты дыууӕ къуырийы фӕстӕ.

Клубы хайадисджытӕ уыдзысты Цхинвал ӕмӕ районты скъолаты ахуырдзаутӕ, кӕцытӕ фыст сты бӕстӕзонадон ӕмӕ къӕдзӕхтӕм хизыны секцитӕм. Ӕвзонг спортсменты цӕттӕ кӕнддзӕн профессионалон альпинист Хъуылымбегты Зарада.

"Цхинвалы дӕс скъолайы ис ӕмбӕлгӕ къордтӕ, афтӕ ма нын ис секцитӕ Гуфта ӕмӕ Бихъары", - загъта Мӕргъиты Ирбег.

Тренировкӕтӕй дарддӕр ма проекты автортӕ нывӕндынц балцытӕ улӕфт бонты.

Проект "Сывӕллӕтты туризмы центр", кӕцыйы фӕлгӕтты кусы ног скалодром, сарӕзтӕуыд 2017 азы, фарон фӕззӕджы та райста финансон ӕххуыс паддзахадон монон программӕйӕ.

Сӕйраг темӕтӕ