18:28 16 РУХÆНЫ МÆЙ 2019
Комкоммӕ эфир
  • USD63.83
  • EUR70.67
 цхинвайлаг штангист Икъаты Сæрмæт рамбылдта Европæйы Кубок

Дыккаг хатт: цхинвайлаг штангист Икъаты Сæрмæт рамбылдта Европæйы Кубок

Фото из архива тренера А. Плиева
Спорт
Чысыл дӕнцӕг
127 0 0

Ноджы ма иу сыгъзæрин та Европæйы чемпионаты пауэрлифтингæй рамбылдта Ӕлборты Леван

ЦХИНВАЛ, 4 июн — Sputnik, Плиты Фатимæ. Хуссарирыстойнаг уæзисæг Икъаты Сæрмæт рамбылдта Европæйы Кубок дыккаг хатт. Уый систа 290 кг "становая тяга"-йы, фехъусын кодта Sputnik спортсмены тренертæй иу - Плиты Артур.

Ерыстæ цыдысты Мæскуыйы 1-3 июньмæ.

"Мæ хъомылгæнинагæн йæ бон у ноджы фылдæр, фæлæ иттæг хорз цæттæйæ нæ бацыд ерыстæм. Уымæ æнæкæсгæйæ уый 125 кг уæзы равдыста иууыл хуыздæр бæрæггæнæнтæ æмæ ссис уæлахиздзау. Ивгъуыд аз дæр уый рамбылдта Европæйы чемпионат æмæ уыимæ иумæ сæххæст кодта Уæрæсейы спорты мастеры норматив — систа 730 кг æртæ хуызы ерысты", - загъта Плиты Артур.

Уый ма банысан кодта, ноджы ма иу ирон уæзисæг Ӕлборты Леван дæр ссис ерысты уæлахиздзау.

Тренер ма бузныджы ныхæстæ загъта Спорты комитеты сæрдар Зассеты Сергей æмæ коллективæн се ʻххуысы тыххæй ерыстæм ацæуыны хъуыддаджы.

Икъаты Сæрмæты цæттæ кæнынц уæззау атлетикæйы скъолайы тренертæ Плиты Артур æмæ Габаты Ацæмæз. Скъолайæн разамынад дæтты Советон Гуырдзыстоны бирæ хатты чемпион, æхсæнадæмон классы спорты мастер уæззау атлетикæйæ Тасойты Олег.

Сӕйраг темӕтӕ