02:53 14 ЦЫППУРСЫ МÆЙ 2019
Комкоммӕ эфир
  • EUR69.86
  • USD62.55
Цыппар боксер Хуссар Ирæй рамбылдтой Гасситы Мурӕты турнир

Цыппар хуссарирыстойнаг боксеры рамбылдтой Гасситы Мурӕты турнир

facebook/Хаситы Владислав
Спорт
Чысыл дӕнцӕг
159 0 0

Хуссар Ирыстоны командӕйы сконды расгуыхтысты Гӕджиты Гурам, Кокойты Аслан, Джиоты Арсен ӕмӕ Гуыцмӕзты Георгий

ЦХИНВАЛ, 14 окт — Sputnik, Плиты Фатимӕ. Хуссар Ирыстоны боксерты командӕйӕ цыппар лӕппуйы рамбылдтой сызгъӕрин майдантӕ Гасситы Мурӕты призтыл II гом регионалон турниры, фехъусын кодта Sputnik спорты галуан "Олимп"-ы хистӕр тренер Хаситы Владислав.

Къорд конд уыд Хуссар Иры Боксы скъола ӕмӕ спорты галуан "Олимп"-ы хъомылгӕнинæгтӕй. Командӕйы сконды расгуыхтысты Гӕджиты Гурам, Кокойты Аслан, Джиоты Арсен ӕмӕ Гуыцмӕзты Георгий.

Турнир на призы Мурата Гассиева
Хуссар Ирыстоны боксерты командӕйӕ цыппар лӕппуйы рамбылдтой сызгъӕрин майдантӕ Гасситы Мурӕты
"Турниры архайдтой Ирыстоны хуссары ӕмӕ цӕгаты боксертӕ. Нӕ хъомылгӕнинæгтӕй дыууӕ - Джиоты Арсен ӕмӕ Гуыцмӕзты Георгий схызтысты пьедесталы фыццаг къӕпхӕнмӕ. Ахӕм ӕнтыст бафтыд Дзигойты Ацӕмӕзы ахуыргӕнинаг Гӕджиты Гурамы къухы дæр. Цыппӕрӕм сызгъӕрин майдан рамбылдта Кокойты Мурӕты хъомылгӕнинаг Кокойты Аслан", - загъта Хаситы Владислав.

Гасситы Мурӕты призтыл II гом регионалон турнир цыд Дзӕуджыхъуы спорткомплекс "Динамо"-йы 2004-2005 ӕзы гуырд чызджыты ӕмӕ лӕппуты 'хсӕн 11-13 октябрты.

Хуссар Ирыстоны командӕйы сконды уыд 10 боксеры.

Сӕйраг темӕтӕ