12:29 27 ТЪÆНДЖЫ МÆЙ
 2020
Комкоммӕ эфир
  • EUR68.29
  • USD61.80
Спорт
Чысыл дӕнцӕг
48 0 0

Уæлахиздзауты нымæцы сты чызг-боксер Терашвили Лела æмæ дыууæ лæппуйы - Бекъойты Азæмæт æмæ Къудухты Артур

ЦХИНВАЛ, 31 дек - Sputnik, Плиты Фатимæ. Хуссарирыстойнаг æртæ боксеры рамбылдтой Цæгат Ирыстоны чемпионат. Уæлахиздзауты нымæцы сты чызг-боксер Терашвили Лела æмæ дыууæ лæппуйы - Бекъойты Азæмæт æмæ Къудухты Артур, фехъусын кодта Sputnik фæсивæдон политикæ, спорт æмæ туризмы комитеты кусæг Бестауты Чермен.

Цæгат Ирыстон фыццагад æмæ чемпионат ацыд ивгъуыд къуыри.

"Чемпионат рамбылдта Гæбæраты Гамлеты хъомылгæнинаг, нæ командæйы иунæг чызг–боксер Терашвили Лела, аннæ уæлахиздзау у Тедеты Аликы ахуырдзау Къудухты Артур, кæцы æмрæстæджы цæттæ кæны Цхинвалы дæр æмæ Дзæуджыхъæуы дæр. Мæ хъомылгæнинаг Бекъойты Азæмæт ссис æртыккаг чемпион Хуссар Ирæй", - загъта комитеты минæвар.

Уый ма банысан кодта, нæ командæйы цыппæрæм уæнг уæлахизæй рацух ис тæрхонгæнджыты аххосæй.

"Уалыты Аслан æрдæгфиналмæ ахизыны тох рамбылдта, фæлæ тæрхонгæнджыты скъуыддзагмæ гæсгæ нæ ахызт. Ӕрмæст мæ хъуыдымæ гæсгæ нæ фæлæ, ерыстæм сæ цæст цы специалисттæ дардтой, уыдон хъуыды дæр афтæ уыд", - бафтыдта Бестауты Чермен.

Ерысты архайдтой 400 спортсмены, кæстæр къорды уæлахиздзаутæ ссисты æхсæз лæппуйы, æртæйæ та рамбылдтой чемпионат.

Сӕйраг темӕтӕ