12:07 24 КÆФТЫ МÆЙ
 2021
Комкоммӕ эфир
  • EUR82.50
  • USD70.86
Спорт
Чысыл дӕнцӕг
50 0 0

Финалы хуссарирыстойнаг спортсмен 125 килограммы онг уӕзы категорийы фӕхӕрд дагестайнаг Сайпудин Магомедовӕн 3:2 хыгъдӕй

ЦХИНВАЛ, 4 окт – Sputnik. Хуссарирыстойнаг уӕгъдибар хъӕбысӕйхӕцӕг Бестауты Андрей ссис Уӕрӕсейы фыццагады U-23 ӕвзист призер, хъусын кӕны республикӕйы фӕсивӕдон политикӕ ӕмӕ спорты комитеты пресс-службӕ.

Турнир цыд Подмосковьейы, Наро-Фоминскы. Ирон богал дзы архайдта 125 килограммы онг категорийы. Финалмӕ фӕндагыл тренер Коцты Тамерланы хъомылгӕнинаг рамбылдта ӕртӕ ныхмӕлӕууӕджы, фӕлӕ фӕстагмӕ фӕкъуыхцы ис.

"Финалы хуссарирыстойнаг спортсмен фӕхӕрд дагестайнаг Сайпудин Магомедовӕн 3:2 хыгъдӕй", - дзырдӕуы хъусинаджы.

Турниры фӕстиуджытӕм гӕсгӕ, Наро-фоминскы сфидар кӕндзысты Уӕрӕсейы ӕмбырдгонд командӕйы сконд  дунейы фыццагадмӕ, кӕцы ацӕудзӕн 1-7 ноябры Белграды.

Сӕйраг темӕтӕ