Башар Асад: Сирийы конфликт - "ӕртыккаг дунейон хӕст миниатюрӕйы"

© Sputnik / Михаил Воскресенский /  Ахизын медиабанкмæБашар Асад
Башар Асад - Sputnik Хуссар Ирыстон
Рафыссын
Сирийы 2011 азӕй фӕстӕмӕ цӕуы гарзджын конфликт, кӕцы ӕрбиноныг кӕнынмӕ ӕрбаиу сты Уӕрӕсе, Иран ӕмӕ Турк. Сирийы президент радзырдта йӕ интервьюйы RT телеканалӕн бӕстӕйы уавӕр ӕмӕ ныгуылӕны бӕстӕты бынаты тыххӕй террористтӕн ӕххуысы

ЦХИНВАЛ, 11 ноя - Sputnik. Сириаг арабаг республикӕйы сӕргълӕууӕг Башар Асад банымадта йӕ бӕстӕйы конфликт - "ӕртыккаг дунейон хӕстыл миниатюрӕйы".

"Хӕст Сирийы у Ӕртыккаг дунейон хӕсты миниатюрон хуызӕг. Фактортӕ сты алыгъуызон. Мӕн нӕ уырны, хӕст кӕй райдыдта ӕрмӕстдӕр нефты тыххӕй", - загъта Сирийы президент йӕ интервьюйы RT телеканалӕн.

Афтӕ ма Башар Асад банысан кодта, Дамаск кӕй нӕ нывӕнды ӕмгуыстад кӕнын Европӕйы бӕстӕтимӕ ӕдасдзинад ӕмӕ террористтимӕ тохы фадыджы.

Денис Пушилин - Sputnik Хуссар Ирыстон
Денис Пушилин: Киевы куырдиат ДАР ӕмӕ ЛАР ныппырхы фӕдыл у абсурдон

"Ныртӕккӕ мах ӕмгуыстадмӕ нырма цӕттӕ не стӕм. Мах фехъусын кодтам, кӕй не ххуыс кӕндзыстӕм бӕстӕтӕн ӕдасдзинады фадыджы, кӕцытӕ архайынц Сирийы ныхмӕ", - загъта Асад.

Уымӕй дарддӕр Сирийы президент загъта йӕ хъуыды Великобританийы хицауад ӕмӕ АИШ раздӕры президент Барак Обамайы администрацийы ӕххуысы тыххӕй "Аль-Каида" и ИГ-ӕн (террористон къордтӕ, кӕцытӕ тобӕгонд сты Уӕрӕсейы Федерацийы). Асад фехъусын кодта, америкайаг официалон гоймӕгтӕ фыццаг кӕй райдыдтой дзурын Вашингтоны ӕххуысы тыххӕй "Аль-Каида"-йӕн.

"Сӕ нысаниуӕг уыд пайда кӕнын ацы къордӕй Советон Цӕдисимӕ тохы. Уый тыххӕй уыдон дзырдтой", - банысан кодта Асад.

Сирийы 2011 азӕй фӕстӕмӕ цӕуы гарзджын конфликт, кӕцы ӕрбиноныг кӕнынмӕ ӕрбаиу сты Уӕрӕсе, Иран ӕмӕ Турк.

Ног хабӕртты лентӕ
0