ЦХИНВАЛ, 4 ноя — Sputnik. Цкъаты Владимиры хъуыддаджы фæдыл æрцахстой Дзæуджыхъæуы полицийы фæдагурæн хайады 30- æмæ 34-аздзыд кусджыты, кæцытæм аххосджын кӕнынц сæ куысты барты сæрты ахизыны, фехъусын кодта 15 регион.
Фæдагуырды версимæ гæсгæ, 2015 азы 31 октябры 15 сахат æмæ 30 минутыл Дзæуджыхъæуы полицийы хайадмæ бакодтой 39-аздзыд бынæттон цæрæджы, цыран йемæ куыстой фæдагурæн хайады оперативон кусджытæ. 1 ноябры æхсæвы нæлгоймаг уадзыгæй бахаудта Дзæуджыхъæуы республикон клиникон рынчындонмæ реанимацион хайадмæ. Райсоммæ уый амард.
Ныртæккæ скъуыддзаг цæуы уыдонæн аххӕсджыны тæрхон рахæссын. Слестгæнæн куыстыты рæстæджы нысан æрцыд комиссион тæрхондонон- медицинон экспертизæ, кæцы хъуамæ рафæлгъауа нæлгоймаджы амæлæты аххосаг; тæрхондонон-биологон экспертизæ; ист æрцæудзысты ведеоцæстдарыны æрмæджытæ; æрфарст цæуынц æвдисæнтæ. Уголовон хъуыддаджы равзæрст дарддæр цæуы.
Раздæр Цæгат Ирыстоны уæвæг Уæрæсейы фæдагурæн комитеты фæдагурæн управлени бакодта уголовон хъуыддаг 39-аздзыд Цкъаты Владимиры амæлæты фæдыл. Уый æрцахстой полицийы кусæгæн ныхмæлæуды цауы фæдыл. Дыккаг бон уый уæззау буарзиæнтты аххосæй амард рынчындоны. Цкъайы фырты бинонтæ нæ дызæрдыг кæнынц,уый фыднад кæй фæкодтой полицийы кусджытæ.
