ЦХИНВАЛ, 16 ноя — Sputnik. Ахæстæтты чи бады, уыцы æмбæстæгтæ цæмæй сæ æфхæрды æмгъуыд сæ райгуырæн бæстæйы æххæст кæной, уый тыххæй Аргентинæ, Иран æмæ Хуссар Ирыстоны æхсæн бадзырдтæ барвыст æрцæудзысты уæрæсейаг президентмæ ратификацийы тыххæй.
Уæрæсейы хицауад къуырисæры æруынаффæ кæндзæн, цæмæй Уæрæсейы президент Владимир Путинмæ сратификаци кæныны тыххæй барвитой бадзырдтæ ахæстæтты сæ райгуырæн бæстæтæм æрвитыны тыххæй, уыдон нымæцы Хуссар Ирыстон дæр, дзырдæуы министрты кабинеты пресс-службæйы хъусинаджы.
Бадзырдтæм гæсгæ, гоймæгтæ, кæцытæн аскъуыддзаг æрцыд ахæстоны фæбадын, лæвæрд цæудзысты цы паддзахады æмбæстæгтæ сты, уыцы бæстæтӕм сæ тæрхоны ӕмгъуыд адарддæр кæныны тыххæй.
Бадзырдтæ аразын фæахъаз уыдзæн, цæмæй ахæстæттæн цы тæрхон рахастæуыд, уый æххæст кæной сæ райгуырæн бæстæйы.