Хуссарирыстойнаг командæ хайад райсдзæн цыргъзонд фæсивæды клубы Юниор-Лигæйы

© Архивное фотоХуссарирыстойнаг командæ "16 плюс, г. Цхинвал"
Хуссарирыстойнаг командæ 16 плюс, г. Цхинвал - Sputnik Хуссар Ирыстон
Рафыссын
Цхинвалы студентон командæ кæд нырма нæ сырæзт, уæд Цхинвалы скъолæйон командæйы та хорз зонынц "Хъæлдзæг æмæ цыргъзонд фæсивæды клубы" дунейы. Дыууæ азы размæ ацы командæ бацахста æртыккаг бынат Æппæтуæрæсейаг Юниор-Лигæйы.

ЦХИНВАЛ, 9 дек — Sputnik. Хъæлдзæг æмæ цыргъзонд фæсивæды клубы Æппæтуæрæсейаг Юниор-Лигæйы æвзæрстон фестивалы, кæцы уагъд цæуы 8-12 декабры Мæскуыйы, хайад райсдзæн хуссарирыстойнаг командæ "16 плюс, г. Цхинвал", уый тыххæй Sputnik уацхæссæгæн фехъусын кодта командæйы организацион къухдариуæггæнæг Цхуырбаты Сергей.

Хъӕлдзӕг ӕмӕ цыргъзонд фӕсивӕды командӕ 16+ - Sputnik Хуссар Ирыстон
Хаситы Михаил: спортӕй юморы архайын у зындӕр

Цхинвалы студентон командæ кæд нырма нæ сырæзт, уæд Цхинвалы скъолæйон командæйы та хорз зонынц "Хъæлдзæг æмæ цыргъзонд фæсивæды клубы" дунейы.

Хуссар Ирыстоны командæ "16 плюс, г. Цхинвал" рагæй зонгæ у алкæмæндæр, 2013-2014 сезоны уый ссис Æппæтуæрæсейаг Юниор-Лигæйы финалист æмæ 80 хайадисæг командӕты æхсæн бацахста æртыккаг бынат. Ацы сезоны командæйæн ис ранæуæггонд сконд, уымæ гæсгæ уыдонæн ацы фестиваль суыдзæн фыццаг ахæм масштабы.

Цхуырбаты Сергейы ныхæстæм гæсгæ, Юниор-Лигæйы хайад райсыны тыххæй хонӕн гӕххӕтт уыдон раджы райстой, фæлæ сын разыйы дзуапп радтыны фадат фæцис æрмæстдæр ацы бонты.

"Командæ æвзæрста бæрæг финансон зындзинæдтæ, кæцытæ нын баххуыс кодтой аскъуыддзаг кæнын "Мегафон" Хуссар Ирыстон, хицæн бузныджы ныхæстæ мæ фæнды зæгъын парламенты спикер Бибылты Анатолийæн, Фадзайты Арсенæн, меценат Гаглойты Леонидæн", — загъта Сергей.

Хъазты хайад райсдзысты командæтæ æппæт Уæрæсейæ æмæ Хæдбар паддзахæдты æмбалады бæстæтæй. Финалон хъазт уагъд æрцæудзæн 11 декабры Мæскуыйаг фæсивæдон центр "Планета КВН"-ы.

Ног хабӕртты лентӕ
0