ЦХИНВАЛ, 19 янв — Sputnik. Дзæуджыхъæуы тыхдымгæ афæлдæхта 13 бæласы, фехъусын кодтой 15 регионæн Цæгат Ирыстоны иумæйаг радгæсон-диспетчерон службæйы.
Бæлæстæ афæлдæхдысты Ватутины, Коцойы фырты æмæ Тамайы фырты уынгтыл, афтæ ма Хетæгкаты Къостайы номыл централон парчы дæр.
"Кæцыдæр бæлæстæ бахъыгдардтой электрохызæджы хæххытæ", — банысан кодтой службæйы.
Абайты Уасойы уынгыл та бæлас æрхаудта машинæйыл.
Цæгат Ирыстоны иумæйаг радгæсон-диспетчерон службæйы банысан кодтой, цæрджытæ кæй тыхсынц æнæ рухсæй.
Æрдзон стихийы фæстиуджытæ аиуварс кæныны тыххæй аварион — æндидзæн куыстытæ æххæст цæуынц дыккаг бон.
