ЦХИНВАЛ, 2 фев — Sputnik. Уæрæсейы 9 мин скъола æмæ 1, 6 мин сабидоны æрцыдысты æхгæд карантиныл гриппы æмæ æндæр вирусон низты тыххæй, фехъусын кодтой УФ фӕлхасгӕнджыты барты фӕдыл цӕстдарды уагдоны.
"Æхгæд æрцыдысты 8891 скъолайы æмæ 1688 сабидоны. Кæцыдæр хæттыты сывæллæтты скъолаагъоммæ уагдæтты æхгæд цæуынц къластæ æмæ группæтæ", — фехъусын кодтой уагдоны.
Январы кæрон Æнæниздзинадхъахъхъæныны министрады зонадон-иртасæн институт фехъусын кодта, гриппæй æмæ вирусон низтæй фæрынчыны уавæр Уæрæсейы кæй ахызт къуырион эпидемион къæсæрæй. Уæрæсейы сæйраг паддзахадон санитарон дохтыр Анна Поповайы ныхæстæм гæсгæ, январы кæрон гриппæй фæрынчыны уавæр эпидемион къæсæр хызт æрцыд Уæрæсейы 85 регионæй фæндзайы, сæйраджыдæр бæстæйы европæйаг хайыл. Уый фехъусын кодта, гриппæй рынчынты нымæц къаддæр кæнын райдайдзæн февралы æмбисмæ æввахс.
