ЦХИНВАЛ, 8 фев — Sputnik. Зынгсирвæзты бынаты, завод "Электровибромашина"-йы цехтæй иуы фæдагурджытæ ссардтой этилены фæдтæ, фехъусын кодтой Sputnik республикæйы Уӕлвӕткон уавӕрты министрады (УУМ) пресс-службæйы.
"УУМ-ы специалисттæ сæххæст кодтой завод "Электровибромашина"-йы инструменталон цехы зынгсирвæзты фæдыл слестгæнæн мадзæлттæ. Ауагъдгонд мадзæлтты фæстиуæгæн сбæлвырд кодтой зынгсирвæзты аххосæг — æрбахæсгæ æцæгæлон гом арт", — загътой УУМ-ы.
Пресс-службæйы банысан кодтой, зынгсирвæзты бынаты кæй ссардæуыд этилены баззайæггæгтæ, кæцытæ лæвæрд æрцæудзысты мидхъуыддӕгты министрадмӕ дарддæры равзæрсты тыххæй.
Ивгъуыд дыццæг зынгсирвæзтимæ тох кодтой æртæ сыгъдхуыссæн къорды, фæлæ кæлæццаг агъуыстæн басыгъд йæ 45 %. Зынгсирвæзты рæстæджы зианбаййафджытæ нæ уыд.
