ЦХИНВАЛ, 18 фев — Sputnik. Хуссар ӕфсӕддон зылды (ХӔЗ) ракетчиктӕ ӕмӕ артиллеристтӕ ӕрӕвнӕлдтой быдырон ахуыртӕм Цӕгат Ирыстоны, афтӕ ма ахуыртӕ уагъд цӕуынц Дагестан ӕмӕ Цӕцӕны, хъусын кӕны зылды пресс-службӕ.
Артиллеристтимӕ быдырон ахуыртӕ уагъд цӕуынц полигонтӕ Тарскӕ, Калиновский, Дальний ӕмӕ Гвардеецы.
"Ахуырты рӕстӕджы ӕфсӕддонтӕ бакусдзысты гаубицӕтӕ "Акация", "МСТА-С" ӕмӕ "Мста-Б", реактивон системӕтӕ Град", "Торнадо-Г", "Ураган" ӕмӕ ӕндӕр хӕстӕрмӕджытӕй пайдакӕныны фӕлтӕрддзинадыл. Афтӕ ма уыдон сахуыр кӕндзысты ног радиолокацион комплекс "Зоопарк-1-имӕ архайын", — дзырдӕуы хъусинаджы.
Ахуырты рӕстӕджы ма ӕфсӕддон службӕгӕнджытӕ спайда кӕндзысты ӕнӕпилотон тӕхгӕ аппараттӕй. Быдырон рацыды кӕронбӕттӕны полигонты уагъд ӕрцӕудзысты тактикон ахуыртӕ хӕстон ӕхстӕй.