ЦХИНВАЛ, 1 мар — Sputnik. УФ хицауад бахаста Паддзахадон Думæмæ Абхаз æмæ Хуссар Ирыстонимæ бадзырдты фæдыл закъоны проекттæ æфсæддон службæгæнджытæн медицинон æххуыс бакæныны тыххæй.
Хуссар Ирыстонимæ бадзырд бафыст æрцыд 2014 азы 29 декабры. Паддзахадон Думæйы ацы закъоны проекттæ депутатты размæ рахæсдзæн хъахъхъæнынады министры фыццаг хæдивæг Цæлыгкаты Руслан.
"Бадзырдмæ гæсгæ арæзт цæуы æнæмæнгхъæуæг нормативон-барадон базæ уæрæсейаг æмæ хуссарирыстойнаг æфсæддон службæгæнджытæн медицинон æххуыс бакæныны фæдыл æфсæддон-медицинон дæлхæйтты, УФ-йы хъахъхъæнынады министрады организациты æмæ хæйтты, афтæ ма РХИ-ы медицинон уагдæтты", — дзырдæуы документты.
Банысан æрцыд, бадзырдмæ гæсгæ бæлвырд кæй цæуы уæрæсейаг æмæ хуссарирыстойнаг æфсæддон службæгæнджытæн ахæм медицинон æххуыс бакæныны уагæвæрд, йæ реализаци та фадат ратдзæн фæбæрзондæр кæнын сæ социалон хъахъхъæнынад.
Бадзырды реализаци нæ домы уæлæмхас хæрдзтæ УФ федералон бюджетæй æмæ æххæст цæудзæн федералон бюджеты фæрæзтæй, кæцытæ Уæрæсейы хъахъхъæнынады министрад хицæн кæны медицинон ифтонгадæн.
