ЦХИНВАЛ, 28 мар — Sputnik. "Ирон литературӕйы историйы" цыппӕрӕм том мыхуыр ӕрцыд Хуссар Ирыстоны, хъусын кӕны ИА "Рес".
Чиныджы автор, Ирыстоны фысджыты цӕдисы ӕмсӕрдар Хъазиты Мелитоны ныхӕстӕм гӕсгӕ, цыппӕрӕм томмӕ бацыдысты Хуссар Ирыстоны 60-ӕм ӕзты фысджытӕ, кӕцытӕн уыд стыр ӕндӕвдад сӕ дуджы ирон поэзийыл.
"Чиныгмӕ бацыдысты ахӕм фысджытӕ, куыд Козаты Исидор, Бестауты Георгий, Дзуццаты Хаджи-Мурат, Дзассохты Музафер ӕмӕ ӕндӕртӕ. 60-ӕм ӕзты ацы фысджытӕ сарӕзтой бирӕ аивады дунейон ӕмвӕзадмӕ ракӕнынӕн ӕмӕ сын сӕ куыстӕн хъӕуы аккаг аргъ скӕнын", — банысан кодта Хъазиты Мелитон.
Авторы ныхӕстӕм гӕсгӕ, ацы чингуыты сери у тынг ахсджиаг ахуырадон уагдӕттӕн, уымӕн ӕмӕ дзы ссарӕн ис бирӕ информаци фысджыты ӕмӕ се ‘сфӕлдыстады тыххӕй.
Уый ма загъта, чингуыты уадзыны хъуыддаг ууыл кӕй не‘ рлӕудзӕн ӕмӕ "ныр дӕр цӕттӕ у радон том, кӕцы тагъд рӕстӕджы фендзӕн рухс".
