ЦХИНВАЛ, 29 мар — Sputnik. Дзæуджыхъæуы цæрæг сылгоймаг хъавыд йæ сывæллон 125 мин сомыл ауæй кæнын, фехъусын кодта дыццæджы Уæрæсейы слестгæнæн комитет.
Фæдагуырды версимæ гæсгæ, февралы кæрон республикæйы барадхъахъхъæнæн органтæ райстой информаци, 25-аздзыд æвгъæдджын сылгоймаг кæй хъавы йæ сывæллон ауæй кæнын.
"Æлхæнджыты роль сæххæст кодтой полицийы кусджытæ, кæцытæ бадзырдтой æвгъæдджын сылгоймагимæ ноггуырд сывæллон балхæныны тыххæй. Сывæллоны тыххæй сылгоймаг домдта 125 мин сомы. Арыны фæстæ йæ радта мæнг æнæзæнӕг бинонтæн æмæ йæ æхца райсыны рæстæджы æрцахстой оперативон кусджытæ", — фехъусын кодтой ведомствӕйы.
Республикæ Цæгат Ирыстон — Аланийы слестгæнæн органтæ бакодтой уголовон хъуыддаг сылгоймаджы ныхмæ.
Ноггуырды бахастой сывæллæтты республикон клиникон рынчындонмæ, йæ цардæн ницы тас у.
