Минкавказы сæргълæууæг бабæрæг кодта Хуссар Иры инвестпрограммæйы объекттæ

© Sputnik / Наталья БосиковаХъайтарты уынгыл аразгӕ хӕдзар
Хъайтарты уынгыл аразгӕ хӕдзар - Sputnik Хуссар Ирыстон
Рафыссын
Лев Кузнецов республикæйы премьер æмæ æнæниздзинад хъахъхъæнынады министримæ бабæрæг кодта инвестпрограммæйы объекттæ æмæ баззад райгондæй. Уайдзæфтæ загъта æрмæстдæр паддзахадон драмтеатры арæзтады æмгъуыды фæдыл.

ЦХИНВАЛ, 12 апр — Sputnik, Босыкты Наталья. Цæгат Кавказы хъуыддæгты фæдыл Уæрæсейы министр Лев Кузнецов æрцыд Хуссар Ирыстонмæ æмæ бабæрæг кодта, инвестпрограммæйы фæдыл республикæйы цы объекттæ арæзт цæуынц, уыдон.

Тыбылты Леонид ӕмӕ Олег Говорун - Sputnik Хуссар Ирыстон
Олег Говорун раппæлыд Хуссар Ирыстоны арæзтады темптæй

Хуссар Ирыстоны социалон-экономикон райрæзты фæдыл инвестпрограммæйæн финансон фæрæзтæ хицæн цæуынц Уӕрӕсейы бюджетæй. 2015 — 2017 азты республикæйы хъуамæ арæзт æрцæуой 31 объекты. Ацы нысæнттæн рахицæнгонд æрцæудзæн фараст миллиард сомы — фæйнæ æртæ миллиард сомы æрвылаз.

Балцы хайадисджытæ сæ фæндаг райдыдтой Цхинвалы ног гуырæн хæдзары арæзтады бынатæй. Уым нырма демонтаж кæнынц зæронд бæстыхай. Арæзтад хъуамæ фæуа 2017 азы декабры.

Кузнецовы ныхæстæм гæсгæ, ног гуырæн хæдзар дзуапп хъуамæ дæтта æппæты нырыккон домæнтæн.

"Ацы объекттæ баст сты нæ сомбонимæ æмæ хъуамæ арæзт æрцæуой нырыккон проектмæ гæсгæ, уымæн æмæ ам гуырдзысты ног хуссарирыстойнаг æмбæстæгтæ, кæцытæ фидæны араздзысты ацы паддзахад", — загъта Кузнецов.

Уый ма бабæрæг кодта сывæллæтты реабилитацион центр, цыран ныридæгæн кæронмæ фæхæццæ кæнынц фæлындæн куыстытæ. Республикæйы æнæниздзинад хъахъхъæнынады министр Григорий Кулиджанов куыд загъта, афтæмæй центры уыдзæн дыууæ терапевтон æмæ иу хирургион хайад.
Уый фæстæ сæ фæндаг акодтой, Октябры æмæ Хъайтарты уынгтыл цы цæрæн хæдзæрттæ арæзт цæуынц, уырдæм, афтӕ ма дзулфыцæн комбинатмæ æмæ университетон комплексмæ.

© Sputnik / Наталья БосиковаЛев Кузнецов ма йæ фæндаг акодта дзулфыцæн комбинатмæ æмæ университетон комплексмæ
Лев Кузнецов - Sputnik Хуссар Ирыстон
Лев Кузнецов ма йæ фæндаг акодта дзулфыцæн комбинатмæ æмæ университетон комплексмæ

Кузнецов банысан кодта куысты темптæ дзуапп кæй дæттынц домæнтæн æмæ загъъта, ныфс æй кæй ис, æмæ объекттæ эксплуатацимæ лæвæрд кæй æрцæудзысты рæстæгыл.

Иунæг объект, кæцы баййæфта уайдзæфтæ уæрæсейаг министры æрдыгæй, ссис паддзахадон драмтеатр. Йæ фиппаинæгтæ загъта генералон нардуатон организаци — компани "Эверест" —ы минæварæн, зæгъгæ объектыл куысты организаци у æвзæр арæзт.
Министр æрдомдта, цæмæй йын æрвылмæй дæр æрвитой фотохыгъд инвестпрограммæйы объекттыл бакæнгæ куысты фæдыл.

Ног хабӕртты лентӕ
0