ЦХИНВАЛ, 14 апр- Sputnik. Хуссар Ирыстоны адӕмон театрты ‘хсӕн конкурс-фестиваль "Весь мир — театр" уагъд ӕрцӕудзӕн 17 апрелы Цхинвалы, фехъусын кодта Sputnik мадзалы организатор, Адӕмон сфӕлдыстады республикон центры директор Гуыцмӕзты Эльза.
Фестивалы сӕ арӕхстдзинад равдисдзысты республикӕйы аст хӕдахуыр коллективы Киров, Знауыр, Дменис ӕмӕ Ирыстоны ӕндӕр къуымтӕй.
"Коллективтӕн бар ис цыфӕнды ӕрмӕг дӕр бацӕттӕ кӕнын, фӕлӕ хуыздæр уаид, ирон фысджыты уацымыстӕм гӕсгӕ куы сӕвӕриккой сӕ пьесӕтӕ", — загъта директор.
Конкурс-фестиваль "Весь мир — театр"райдайдзӕн 11:00 сахатыл Цхинвалы профцӕдисты бӕстхайы.
Мадзал арӕзт цӕуы адӕмон сфӕлдыстады республикон центры фӕндмӕ гӕсгӕ культурӕйы министрады ӕххуысӕй.
