ЦХИНВАЛ, 20 апр — Sputnik. Федерацийы Совет ӕртыццӕджы сратификаци кодта Хуссар Ирыстонимӕ паддзахадон арӕны фӕдыл бадзырд.
Документ бафыстӕуыд 2015 азы 18 февралы Мӕскуыйы. Ацы аз 15 апрелы бадзырд сратификаци кодта УФ Паддзахадон Думӕ.
Хуссар Ирыстон ӕмӕ Уӕрӕсейы ӕхсӕн паддзахадон арӕны бындурыл ист ӕрцыд, Советон Цӕдисы ныппырхы рӕстӕгмӕ Гуырдзыстоны ӕмӕ Уӕрӕсейы ӕхсӕн цы административон-территориалон арӕн ӕвӕрд уыд, уый.
Бадзырд у бындурон документ, кӕцы бӕлвырд кӕны дыууӕ бӕстӕйы ‘хсӕн паддзахадон арӕны хахх кӕрӕй-кӕронмӕ, Уӕрӕсе, Хуссар Ир ӕмӕ Гуырдзыстоны паддзахадон арӕнтӕ ныгуылӕны кӕм иу кӕнынц, уырдыгӕй ӕртӕ бӕстӕйӕн сӕ скӕсӕйнаг баиугӕнды онг, кӕцы бынӕттӕ сбӕлвырд кӕндзысты ӕртӕварсон хицӕн бадзырдтӕ.
