ЦХИНВАЛ, 31 май — Sputnik. Ирыстойнаг спортсментæ рамбылдтой æртæ сызгъæрин майданы Уæрæсейы чемпионаты уæззау атлетикæйæ, хъусын кӕны ПТРК "Алания".
"Кады пьедесталмæ схызтысты ӕртӕйӕ. Уӕрӕсейы иугонд командæйы лидер Æлбегаты Руслан фæуæлахиз, æмткæй 455 килограммы сисгæйæ. 105 килограммы онг категорийы фыццаг бынат бацахста Наниты Тимур. Фæлæ фыццаг чемпионкæ ссис Тъуриты Тимæ. Уый ирон спортсментӕй æппæты фыццаг рамбылдта сызгъæрин майдан", — дзырдӕуы хъусинаджы.
Ерысты ма æвзист призертӕ ссисты ирон спортсментӕ Къæбысты Артур ӕмӕ Катауты Сослан.
