ЦХИНВАЛ, 3 июн — Sputnik. Тбилис æмæ НАТО-йы феввахсдæр кæныны фæтагъдгонд курс хæссы тас уавæры дестабилизацийæн æрмæст Хуссар Кавказы нæ, фæлæ уæрæхдæр геополитикон масштабы, фехъусын кодтой Фæскавказы стабилондзинады фæдыл женеваг дискусситы уæрæсейаг æмæ хуссарирыстойнаг хайадисджытæ. Уый тыххæй Sputnik фехъусын кодтой фæсконфликтон уавæр æрбиноныг кæныны фæдыл Хуссар Ирыстоны президенты æххæстбарджын минæвары аппараты.
Цхинвалы уагъд æрцыд фембæлд президенты æххæстбарджын минæвар æмæ УФ фæсарæйнаг хъуыддæгты министрады минæвæрттæн — женеваг дискусситы УФ делегацийы уæнгтæн.
"Цхинвалы уæлдай тæссагыл нымайынц, Гуырдзыстоны территорийыл æфсæддон ахуырты кæй исынц хайад НАТО бæстæтæ-хайадисджыты гарзджын тыхтæ æмæ уæззау æфсæддон техникæ. Æхсæнадæмон женеваг дискусситы хайадисджытæ хъуамæ аздахой сæ хъусдард Гуырдзыстон æмæ йæ ныгуылæйнаг партнерты тæссаг архæйдтытæм æфсæддон къабазы", — дзырдæуы хъусинаджы.
Фембæлды хайадисджытæ æрдзырдтой фæскавказаг регионы тыхæй ма спайда кæныны фарстыл, афтæ ма уавæрыл гуырдзыстойнаг — хуссариыстойнаг арæныл.
"Ацы контексты ногæй бахахх æрцыд фæсарæйнаг æхсæнпаддзахадон арæнты делимитаци æмæ демаркацийы процессы нысаниуæг, уый нымæцы бынæттон цæрджыты хæрзиуæгæн", — банысан кодтой æххæстбарджын минæвары аппараты.
Женеваг дискусситӕ уагъд цӕуынц 2008 азы октябрӕй Уӕрӕсе ӕмӕ Францы президентты бадзырдтӕм гӕсгӕ. Уыдоны ӕмбарадон бындурыл хайад исынц Хуссар Ирыстон, Абхаз, Гуырдзыстон, Уӕрӕсе, АИШ, афтӕ ма Евроцӕдис, ОБСЕ ӕмӕ Иугонд нациты организацийы минӕвӕрттӕ.
Радон раунд уагъд æрцæудзæн 14-15 июны.
