ЦХИНВАЛ, 6 июн — Sputnik. Дзауы районы хосгӕнӕн суадон "Дзау-Суар"-ы алыварс районы цӕрӕнуатон- коммуналон хӕдзард аразы фӕлладуадзӕн парк, фехъусын кодта Sputnik районы администрацийы прес-секретарь Тедеты Лиана.
"Дзау-Суар"-ы хӕрзарӕзт территори ӕмӕ йӕ алыварс арӕзтӕдтӕ ныппырх сты ивгъуыд ӕнусы 90-ӕм ӕзты зӕххӕнкъуыстыты рӕстӕджы. Аразджытӕ ныфс ӕвӕрынц мӕйы кӕронмӕ ‘ппӕт куыстӕ дӕр фӕуын.
"Цӕрӕнуатон-коммуналон хӕдзарады кусджытӕ ацы бынатмӕ сарӕзтой асинтӕ, ныссагътой соцъитӕ ӕмӕ бæрзбæлӕстӕ, сӕвӕрдтой сабитӕн хъеллаугӕнӕнтӕ, фӕстӕдӕр ма дзы фӕзындзӕн агъуыстыты бын хъӕдын фынгтӕ дӕр. Аразджытӕ ныфс ӕвӕрынц, ацы бынат тынг рӕсугъд кӕй уыдзӕн", — загъта Тедеты Лиана.
Дзауы районы цӕрӕнуатон-коммуналон хӕдзарды кусджытӕ суадоны алыварс территорийы хӕрзарӕзтыл архайынц ныр дыууӕ мӕйы дӕргъы. Парк арӕзт цӕуы пансионат "Дзау"-мӕ хӕстӕг.
