ЦХИНВАЛ, 6 июн — Sputnik. Ирон тренер Гӕззаты Владимир гӕнӕн ис ӕмӕ слӕууа мӕскуыйаг футболон клуб "Динамо"-йы сӕргъ, хъусын кӕны 15 регион.
Гӕззаты Владимиры ном айхъуыст футболон клуб "Алания"-йы куысты рӕстӕджы. Дзӕуджыхъӕуы клубы акодта Уӕрӕсейы Кубокы финалмӕ, цыран фӕхӕрд ис ӕрмӕстдӕр ӔЦСК-ӕн. Уый фӕстӕ та ӕнтыстджынӕй куыста Казахстайнаг клуб "Актобе"-йы тренерӕй.
"Гӕззаты Владимир ӕвзӕрст ӕрцыд футболон командӕ "Динамо"-йы тренеры бынатмӕ кандидатӕй. Тренеры ном фӕбӕрӕг уыдзӕн дыццӕджы", — дзырдӕуы хъусинаджы.
Ирон тренер Гӕззаты Владимир 1997-1998 ӕзты хъазыд "Алания"-йы дыккаг сконды. Футболмӕ уый раздӕхт 2009 азы тренерӕй. Уӕд Владимир райдыдта кусын "Алания"-йы сӕйраг тренеры ӕххуысгӕнӕгӕй, 2011 азы тп ссис клубы сӕйраг тренер. 2014 азы йӕ тренерон куыст адарддӕр кодта казахстайнаг "Актобе"-йы.
