Президент: Чехойты Аслан бахаста стыр хайбавæрд ирон культурæйы райрæзтмæ

© Sputnik / Руслан ТадтаевРХИ президент Тыбылты Леонид
РХИ президент Тыбылты Леонид - Sputnik Хуссар Ирыстон
Рафыссын
Республикæйы сæргълæууæг æртыццæджы арвыста тæфæрфæсы тел Санкт-Петербурджы "Ног музей"-ы бындурæвæрæг Чехойты Асланы бинонтæ æмæ æввахс хиуæттæм.

ЦХИНВАЛ, 8 июн — Sputnik. Хуссар Ирыстоны Чехойты Асланы мысдзысты, куыд ирон адæмы иузæрдион хъæбул, уый уыд Ирыстонæн аккаг фырт, загъта президент Тыбылты Леонид.

Нывгæнæг: Чехойты Аслан уыд æцæг патриот, аивады йын уыд бæрзонд эрудици

Къуырисæры айхъуыст, йæ цардæй кæй ахицæн зынгæ коллекционер æмæ бизнесмен Чехойты Аслан. Республикæйы сæргълæууæг æртыццæджы арвыста тæфæрфæсы тел Санкт-Петербурджы "Ног музей"-ы бындурæвæрæг, Уӕрӕсейы аивӕдты академийы кадджын академик, меценат æмæ коллекционер Чехойты Асланы бинонтæ æмæ æввахс хиуæттæм.

"Стыр зæрдæхъыгимæ сæмбæлдтæн Райгуырæн бæстæйы æцæг патриот, хорз адæймаг Чехойты Асдан йæ цардæй кæй ахицæн, уыцы уæззау хабарыл. Хуссар Ирыстоны Чехойты Асланы мысдзысты, куыд ирон адæмы иузæрдион хъæбул, уыд Ирыстонæн аккаг фырт. Аслан Иналы фырт бахаста стыр хайбавæрд ирон культурæйы бахъахъхъæнын æмæ размæцыды хъуыддагмæ", — загъта президент Тыбылты Леонид.

Чехойты Иналы фырт Аслан уыд Уӕрӕсейы аивӕдты академийы кадджын академик. Райгуырд Цхинвалы 1965 азы. Каст фӕци Ленинграды фыццаг медицинон институт. 1990 азы онг куыста дохтырӕй, стӕй ахызт бизнесмӕ. Уӕд райдыдта коллекци кӕнын советон нонконформистстон аивад.

Ног хабӕртты лентӕ
0