ЦХИНВАЛ, 16 июн — Sputnik. Цӕгат Ирыстон уӕлвӕткон уавӕрты министрад мӕнгыл банымадта информаци 300 машинӕйы тыххӕй, кӕцытӕ ӕрымбырд сты Транскамы цӕгаттаг фадыгыл.
Транскавказы автомагистралыл дуры зæйтæ æрцæуынæй тæссаг кæй у, уый тыххæй фæндаг æрцыд æхгæд цыппæрæмы æхсæвы. Бӕлццӕттӕй иуы ныхӕстӕм гӕсгӕ, фӕндаджы цӕгатирыстойнаг хайыл ӕрӕмбырд 300 машинӕйӕ фылдӕр, кӕцытӕ ӕнхъӕлмӕ кӕсынц трассӕйы байгоммӕ.
"Уый раст нӕу, Буроны ныртӕккӕ 30 машинӕйӕ фылдӕр нӕй", — загъта Sputnik Цӕгат Ирыстон уӕлвӕткон уавӕрты министрады пресс-службӕйы къухдариуӕггӕнӕг Юлия Старченко.
Уый ма банысан кодта, фӕндагон службӕтӕ ӕмӕ ирвӕзынгӕнджытӕ кӕй сыгъдӕг кӕнын фӕндаг дуртӕй ӕмӕ цъыфы зӕйтӕй ӕмӕ абон фӕндагон змӕлд байгом уыдзӕн.
