ЦХИНВАЛ, 16 июн — Sputnik. Зынгӕ ирон хӕстон, Советон Цӕдисы дыууӕ хатты хъайтар, инӕлар Плиты Иссӕйӕн Кубайы бакӕндзысты цырт, хъусын кӕны 15 регион.
Ирыстоны ӕфсӕддон элитӕйы иууыл ирддӕр минӕвар Плиты Иссӕ къухдариуӕгад лӕвӕрдта Кубайы Карибаг кризисы рӕстӕджы уӕвӕг советон ӕфсадӕн. Цырт "Сӕрибардзинады сакъадахмӕ" ӕрвыст ӕрцыд ирон адӕмы номӕй, рӕсгӕмӕ уал ис УФ хъахъхъӕнынады министрады минӕварады.
"Ирон инӕларӕн "Сӕрибардзинады сакъадахыл" цырт бакӕныны цытджын церемони уагъд ӕрцӕудзӕн сусӕг ӕфсӕддон операци"Анадырь" —ы 55 азы юбилейы фӕлгӕтты", —дзырдӕуы хъусинаджы.
Плиты Иссӕйы ном сӕнусон кӕныны мадзӕлттӕ аразынц Дзанайты Азанбеджы номыл культурон фонд, УФ хъахъхъӕнынады министрад, Уӕрӕсейы минӕварадтӕ Куба, Монгол ӕмӕ Китайы. Иссӕйӕн ма цырт ныридӕгӕн ис Гаванайы дӕр.
Уымӕй дарддӕр ма Дзанайты Азанбеджы номыл культурон фонды президент хатты Цӕгат Ирыстоны сӕргълӕууӕджы хӕстӕ ӕххӕстгӕнӕг Битарты Вячеславмӕ, цӕмӕй конд ӕрцӕуа уӕлдӕр ӕфсӕддон паддзахадон хорзӕх "Инӕлар Плиты".
