ЦХИНВАЛ, 23 июн — Sputnik. Хуссарирыстойнаг рауагъдонтæй Уæрæсейы мидхъуыддӕгты министрады ахуырадон уагдæтты ахуыр чи равзæрста, уыдон æртыццæджы радтой фыццаг экзамен, фехъусын кодтой Хуссар Ирыстоны МХМ пресс-службæйы.
УФ МХМ ахуырадон уагдæттæм ахуырмæ бацæуыны тыххæй кандидаттæ хъуамæ раттой фæлварæн уырыссаг æвзаг, истори, æхсæнадзонынадæй, рацæуой медицинон æмæ психологон басгæрст, афтæ ма хъуамæ райсой физикон цæттæдзинадӕй нысан.
"Абон абитуриенттæ радтой фыццаг фæлварæн. Уырыссаг æвзагæй диктант ныффыстой 41 кандидаты", — фехъусын кодтой ведомствӕйы пресс-службæйы.
Равзæрст цы абитуриенттæ рацæуой, уыдон сæ ных скæндзысты Краснодары университет, Волгограды академи, Орелы Юридикон институт, Уæрæсейы МХМ Воронежаг институтмæ ахуырмæ ахæм дæсниадыл "Националон æдасдзинады барадон ифтонгад".
"УФ МХМ уæлдæр ахуырадон уагдæттæ ацы аз рахицæн кæны 15 бынат Хуссар Ирыстонæн. Курсанттæ уыдзысты паддзахадон ифтонгадыл. Лæвæрд сын цæуы сæрмагонд ном "милицийы лейтенант". Кусæгон стажмæ ма бахаст æрцæудзысты уæлдæр ахуырадон уагдоны ахуыры азтæ дæр", — банысан кодта пресс-службæйы минæвар.
Ахуыры фæстæ, бафыстгонд контракттæм гæсгæ, курсанттæ хæсджын сты æрыздæхын æмæ бацæуын куыстмæ Хуссар Ирыстоны мидхъуыддæгты органтæм.
