ЦХИНВАЛ, 24 июн — Sputnik. Хуссар Ирыстоны парламент нырма нæ райдыта боны фӕткыл уынаффӕ кӕнын, сессийы сæйраг фарст хъуамæ уа ЦӔК-ы бавдисгæ ивындзинæдтæ æвзæрстыты фæдыл закъондæттынадмӕ.
Амæй размæ парламенты президиум сразы ис къорд конституцион закъæттæм ивындзинæдтæ баххæсыныл, майрæмбоны сесийы, уыдонмæ хъуамæ æркæса æппæт депутатон корпус.
Рабадт хъуамæ райдыдтаит 11:00 сахатыл, фæлæ депутаттæ ЦӔК-ы минæвæрттимæ иу хъуыдымæ не ʻрцыдысты "бинонгыдзинады ценз"-ы æмæ лингвистон къамисы куысты форматы фæдыл, кæцы бæлвырд кæндзæн президенты бынатмæ кандидаты ирон æмæ уырыссаг æвзаджы зонындзинӕдтæ.
Нырма депутаттæ, президенты минæвæрттæ æмæ ЦӔК кусджытæ архайынц иу хъуыдымæ æрцæуыныл æмæ фарстыл ӕнӕофициалонӕй уынаффæ цæуы парламенты хатæнты.
