ЦХИНВАЛ, 27 июн — Sputnik. Футболæй Уæрæсейы æмбырдгонды раздæры тренер Гæззаты Валерий бафидар кодта, кæй цæуы Паддзахадон Думæйы æвзæрстытæм парти "Справедливая Россия"-йæ æмæ слæудзæн регионалон Цæгат-Кавказаг къорды сæргъ.
Къуырисæры "Справедливая Россия" уадзы æвзæрстагъоммæ съезд, кӕцыйы рæстæджы раразмæ кæндзысты Падзахадон Думæйы æвзæрстытæм кандидатты æмæ фидаргонд æрцæудзæн æвзæрстагъоммæ программæ.
"Депутаттæм цæуын парти "Справедливая Россия"-йæ… Лæууын регионалон Цæгат-Кавказаг къорды сæргъ", — загъта Гæззаты Валерий РИА Новости.
Гæззаты Валерий лæууыд Уæрæсейы æмбырдгонды сæргъ 2002-2003 азты, уыд "Алания", "Динамо" (Мæскуы), ЦСКА, "Динамо" (Киев) сæйраг тренер. 2012 азы президентон æвзæрстыты рæстæджы уыд Владимир Путины æууæнчы лæг.
2013 азы иста хайад "Общероссийский народный фронт"-ы бындурæвæрæн съезды.
Паддзахадон Думæмæ радон депутатон æвзæрстытæ уагъд цæудзысты 18 сентябры.
