ЦХИНВАЛ, 27 июн — Sputnik. Рапиристкæ Санаты Аидæ рамбылдта æвзист майдан фехтованийæ польшæйаг горæт Торуны уагъд цæуæг Европæйы чемпионаты, хъусын кæны агентад "Р-Спорт".
Цæгатирыстойнаг спортсменкæйы арæхстдзинад баххуыс кодта Уæрæсейы æмбырдгондæн Польшæйы турниры командæйон бахыгъды фыццаг бынат бацахсын.
Уæрæсейæгтæ рамбылдтой æхсæз сыгъзæрин, иу æвзист æмæ æртæ бронзæйон майдантæ. Сыгъзæрин майдантæ райстой æхсаргæрдджытæ æмæ рапиристтæ командæйон турнирты, афтæ ма рапирист Тимур Сафин. Рапиристкæ Санаты Аидæ йæ командæйæн æрхаста æвзист майдан. Бронзæйы хицæуттæ та ссисты æхсаргæрдджытæ Камиль Ибрагимов, Алексей Якименко æмæ рапиристкæ Лариса Коробейникова.
Уæрæсейаг рапиристкæ Санаты Аида райгуырд Дзæуджыхъæуы. У 2008 азы Пекины Олимпиаг хъӕзтыты уӕлахиздзау, Европӕ ӕмӕ дунейы уӕлахиздзау, Уæрæсейы спорты сгуыхт дæсны, бирӕнымӕц ерысты призер.
