Милицийы кусджытæ фæнадтой сывæллоны, хъуыддаг ӕвзары РХИ прокуратурæ

© Sputnik / Алексей КовалевМидхъуыддæгты министрады горæты хайад
Мидхъуыддæгты министрады горæты хайад - Sputnik Хуссар Ирыстон
Рафыссын
Хуссар Ирыстоны барадхъахъхъæнæн органтæ бæлвырд кæнынц, МХМ кусджытæй дыууæйæ æцæг фæнадтой æви нæ сывæллоны, кæцымæ сæ зæрдæ хсайдта давд саразыны хъуыддагмæ.

ЦХИНВАЛ, 28 июн — Sputnik. Генералон прокуратурæ райста хъаст горæты цæрæгæй, мидхъуыддӕгты министрады кусджытæ сæ барты сæрты кæй ахызстысты цхинвайлаг скъола-интернаты хъомылгæнинаджы ныхмæ, фехъусын кодта Sputnik ратæдзæн ведомствӕйы.

Йæ ныхæстæм гæсгæ, прокуратурæмæ æрбахатыд 10-ӕм къласы ахуыргæнинаджы дада — сывæллонæн ныййарджытæ нæй.

Скъола-интернаты директор Тедеты Роланд Sputnik куыд радзырдта, афтæмæй ахуырадон уагдоны хъомылгæнинаг дзуры, зæгъгæ, милицийы æрфарсты рæстæджы йæ ныхмæ спайда кодтой физикон тыхæй, электрошокерæй.

"Скъолайы цур ис чысыл хæрæндон. Уырдыгæй цыдӕртӕ адавдӕуыд. Уыцы адавд саразыны фæдыл сæ зæрдæ ахсайдта ацы лæппумæ æмæ йæ акодтой милицимæ", — загъта Тедеты Роланд.

Уый ма загъта, милицийы æрфарст кæй цыд æнæ скъолайы ахуыргæнæгæй, уый та у "фæткалыны хъуыддаг".

Кӕронмӕ бахӕццӕ рæстæгмæдарæн изоляторы кусджыты ахасты басгæрст

Директор загъта, лæппуйæн кæй нæй ныййарджытæ — хъомыл æй кæнынц дада æмæ нана æмæ интернаты коллектив.

"Дадайы ныхæстæм гæсгæ, сывæллон æрфарстæй баздæхт нады нысæнттимæ. Лæппу радзырдта, дыууæ милиционеры дзы адавды тыххæй басæттæн æвдисæндзырдтæ фехъусыны тыххæй йæ ныхмæ кæй спайда кодтой физикон тыхæй, электрошокерæй. МХМ кусджыты архæйдтыты фæдыл прокуратурæмæ хъаст бахаста йæ дада", — загъта директор.

Тедеты Роланд банысан кодта, лæппу кæй у "курдиатджын, фæлæ хæдбар удыхъæдимæ".

"Сывæллæтты хайады кусджытæн лæппу зонгæ у. Цалдæр хатты йæ акодтой хъомыладон ныхæстæ уадзынмæ. Ис ын фæлдзæуæн дуг æмæ йемæ ныхас кæныны рæстæджы пайда кæнын коммуникацийы педагогон фæрæзтæй. Иумæйагæй у хорз, курдиатджын сывæллон. Уарзы математикæ æмæ уырыссаг æвзаг, фæлæ бадтфæразон нæу", — загъта директор.

Мидхъуыддæгты министрады горæты хайады гæс Наниты Игоры ныхæстæм гæсгæ, ныртæккæ "МХМ уадзы мидслужбæйон басгæрст". Бæлвырддæр комментаритæ аразынæй йæхиуыл фæхæцыд.

Ног хабӕртты лентӕ
0