ЦХИНВАЛ, 5 июл — Sputnik. Цӕгат Ирыстоны Мӕздӕджы районы ӕмӕ Дзӕуджыхъӕуы территорийыл баконд ӕрцыд уӕлвӕткон уавӕры режим, хъусын кӕны республикон УУМ-ы сӕйраг управлени.
Ведомствӕйы банысан кодтой, УУ-ы режим расидт кӕй ӕрцыд къуырисӕры 22:00 сахатыл ӕвзӕр метеопрогнозы ӕмӕ Терчы цӕугӕдоны доны ӕмвӕзад кӕй фӕуӕлдӕр, уый тыххӕй.
"Мӕздӕджы районы ӕвзӕр метеорологон фӕзындты комплекс ӕмӕ Терчы доны ӕмвӕзады фӕуӕлдӕры аххосӕй, муниципалон хуызы уӕлвӕткон уавӕры режим баконд ӕрцыд горӕт Дзӕуджыхъӕуы территорийыл ӕмӕ Мӕздӕджы районы территорийыл", — дзырдӕуы УУМ-ы хъусинаджы.
УУМ тыхтӕ ӕмӕ фӕрӕзты ракондӕуыд фӕтыхджындӕр цӕттӕдзинады режиммӕ. Уый ӕмрӕстӕджы ведомствӕйы банысан кодтой, уавӕр кӕй ис контролы бын ӕмӕ цӕрджытӕн ницы тас у.
