ЦХИНВАЛ, 8 июл — Sputnik. Хуссар Ирыстоны МХМ-ы кусджытӕ бацахстой ӕртыккаг бынат Фӕндагон змӕлды ӕдасдзинады фӕдыл паддзахадон инспекцийы управленийы хуыздӕр кусӕджы сбӕлвырд кӕныны тыххӕй профессионалон дӕсныйады ӕппӕтуӕрӕсейаг конкурсы, фехъусын кодтой Sputnik республикӕйы МХМ пресс-службӕйы.
"Гаглойты Маир ӕмӕ Кокойты Вольдемар фыццаг хатт истой хайад ацы конкурсы ӕмӕ Хӕдбар паддзахӕдты ӕмбалады бӕстӕты командӕты ӕхсӕн бацахстой ӕртыккаг бынат. Конкурс уагъд цыд Уӕрӕсейы МХМ кусджыты квалификаци фӕбӕрзонддӕр кӕныны ӕппӕтуӕрӕсейаг институты бындурыл",- загъта ведомствойы минӕвар.
Конкурсы фӕстаг бон ацыдысты ерыстӕ триатлонӕй, нырыккон Паддзахадон атоинспекцийы бындурӕвӕрӕгтӕй иу, ССРЦ ПАИ-йы раздӕры сӕргълӕууӕг, милицийы инӕлар-лейтенант Валерий Лукьяновы номарынӕн.
"Ерысты ацы хуызы бӕрзонддӕр фӕстиуджытӕ равдыста РХИ МХМ Фӕндагон змӕлды ӕдасдзинады фӕдыл паддзахадон инспекцийы управленийы кусӕг Кокойты Вольдемар, кӕцы бацахста фыццаг бынат",- банысан кодтой МХМ-ы.
Иумӕйаг бахыгъды та хуссарирыстойнаг командӕ бацахста ӕртыккаг бынат. Уӕлахиздзауты хорзӕхджын кодта УФ мидхъуыддӕгты министры хӕдивӕг Дмитрий Миронов.
