Тæрккъæвдатæ фæластой Дзауы районы фæндæгтæ

© Пресс-служба администрации Дзауского районаТæрккъæвдатæ фæластой Дзауы районы фæндæгтæ
Тæрккъæвдатæ фæластой Дзауы районы фæндæгтæ - Sputnik Хуссар Ирыстон
Рафыссын
Дыууæ æхсæв æнæрлæугæйæ тæрккъæвда кӕй фӕуарыд, уый фӕстиуӕгӕн районы æртæ хъæу - Църу, Итрапис æмæ Чъимасмæ фæндæгты фӕласта дон.

ЦХИНВАЛ, 11 июл — Sputnik. Хуссар Ирыстоны Дзауы районы æнæрлæугæ тæрккъæвда фæласта поселочы æмæ районы æртæ хъæумæ фæндæгтæ, фехъусын кодта Sputnik районы администрацийы пресс-секретарь Тедеты Лиана.

Дыууæ боны дæргъы районы цæрæнуатон—коммуналон хæдзарады кусджытæ архайынц æрдзон бæллæхы фæстиуджытæ аиуварс кæныныл.

"Дысон æмæ æндæрæхсæв æнæрлæугæйæ уарыд къæвдатæ. Тæрккъæвдатæ разиан кодтой районы фæндæгтæн, цæугæдæттæ ракалдысты сæ былтæй. Дон фæласта Църу, Итрапис æмæ Чъимасмæ фæндæгтæ, фӕлӕ ног арæзт кæй уыдысты, уымæ гæсгæ бынтон раууатмæ не ʻрцыдысты", — радзырдта Тедеты Лиана.

© Пресс-служба администрации Дзауского районаТæрккъæвдатæ фæластой Дзауы районы фæндæгтæ
Размытые дороги в Дзауском районе Южной Осетии  - Sputnik Хуссар Ирыстон
Тæрккъæвдатæ фæластой Дзауы районы фæндæгтæ

Пресс-секретарь ма банысан кодта, цæрæнуатон—коммуналон хæдзарады кусджытæ кусынц ӕппӕт тыхтӕй дӕр, фӕлӕ фæндæгтæ æмбæлон уагмæ æркæнынæн бахъæудзæн дыууæ къуырийы бæрц.

Амӕй размӕ та тӕрккъӕвдатӕ ӕмӕ тыхдымгӕ разиан кодтой Цхинвалы хӕдзӕрттӕн. Республикӕйы президент бахӕс кодта ӕмбӕлон уагдӕттӕн бакӕнгӕ бӕллӕхӕн саргъ кӕнын ӕмӕ зианбаййафджытӕн баххуыс кӕнын.

Ивгъуыд къуыри ма ӕвзӕр боныгъӕд разиан кодта Цхинвалы районы хъӕутӕн дӕр. Ам дӕр къӕвдаты фӕстиуӕгӕн дон фӕласта цалдӕр хъӕумӕ фӕндӕгтӕ, афтӕ ма цӕрджыты цӕхӕрадӕттӕ дӕр. Районы къухдариуӕгад уайтагъддӕр арвыста зианбаййафджытӕн техникӕ ӕрдзон азары фӕстиуджытӕ аиуварс кӕнынӕн.

Ног хабӕртты лентӕ
0