ЦХИНВАЛ, 15 июл — Sputnik. Цхинвалы газы срӕмыгъды фӕстиуӕгӕн зианбаййафӕг сылгоймаджы уавӕр фӕхуыздӕр, фехъусын кодтой Sputnik республикон соматикон рынчындоны райсӕн хайады.
Цхинвайлаг 1932 азы гуырд сылгоймаг цыппӕрӕмы зиан баййӕфта цардуагон газы срӕмыгъдӕй. Йӕ фатеры рудзгуытӕ ныппырх сты, фӕлӕ фондзуӕладзыгон хӕдзары конструкцитӕ хъыгдард не ‘рцыдысты.
"Пациенткӕ нырма дӕр ис реанимацион хайады, йӕ уавӕр фӕхуыздӕр, йӕ цардӕн ницыуал тас у. Уымӕ гӕсгӕ йӕ тагъд ракӕндзысты палатӕмӕ", — загътой рынчындоны.
Срӕмыгъд анӕрыд цыппӕрӕмы Мамсырайы фырты уынгыл, 14-ӕм хӕдзары.
