ЦХИНВАЛ, 25 июл — Sputnik. Ӕвзӕр боныгъӕд ӕвӕры цӕлхдуртӕ Мӕскуыйаг альпинисткӕйы бацагуырдӕн, кӕцы фӕсӕфт Хъазбегмӕ сцыды рӕстӕджы, ӕвзӕр боныгъӕды рӕстӕгмӕ ирвӕзынгӕнӕн куыстытӕ ӕрурӕрдтой, фехъусын кодтой Sputnik Цӕгат Ирыстоны УУМ-ы сӕйраг управленийы пресс-службӕйы.
Уӕлвӕткон уавӕр ӕрцыд Гуырдзыстоны ӕрдыгӕй Хъазбеджы хохмӕ туристон къорд фондз адӕймаджы скондӕй куы арӕзта сцыд, уый рӕстӕджы.
Дыццӕджы — 19 июлы, 4,9 метры бӕрзондыл къорд цы районы уыд, уый ныццавта арв, цӕй фӕстиуӕгӕн 30-аздзыд мӕскуыйаг альпинисткӕйы фехстӕуыд УФ-йы территоримӕ. Альпинисткӕйы агурынмӕ ацыдысты Цӕгат Иры агурӕн-ирвӕзынгӕнӕн къорды авд ирвӕзынгӕнӕджы.
Ӕртыццӕджы чызджы агурыны мадзӕлтты рӕстӕджы спайда кодтой УФ УУМ-ы Цӕгат-Кавказаг регионалон центры вертолет МИ-8-ӕй. Уый сарӕзта дыууӕ атахты, фӕлӕ дзы иу дӕр фӕстиуджытӕ нӕ радта.
"Ӕвзӕр боныгъӕды фӕстиуӕгӕн скъуыддзаг ӕрцыд, цӕмӕй цӕгатирыстойнаг ирвӕзынгӕнджыты фистӕг къорд ӕрхиза Хъазбеджы хохӕй. Куыддӕр боныгъӕд фӕхуыздӕр уа, афтӕ адарддӕр кӕндзысты фесӕфӕг альпинисткӕйы бацагуырд",- банысан кодтой уагдоны.
УУМ-ы минӕвар банысан кодта, денджызы ӕмвӕзадӕй 3000 метры бӕрзӕндӕн кӕй ис ӕвзӕр боныгъӕд — тыхдымгӕ, къӕвда.
Раздӕр Цӕгат Иры агурӕн-ирвӕзынгӕнӕн къорды ирвӕзынгӕнджытӕн бантыст Хъазбеджы хохы къулдым уӕрӕсейаг фарсы ӕрдыгӕй басгарын, фӕлӕ сын нӕ бантыст туристкӕйы фӕдтӕ ссарын.
