Дзауы районы ӕбӕрӕг рын цӕгъды хуыты

© Sputnik / Константин Чалабов /  Ахизын медиабанкмæАфрикӕйаг емынӕ
Африкӕйаг емынӕ - Sputnik Хуссар Ирыстон
Рафыссын
Районы ветеринарон службӕйы развӕлгъау бӕрӕггӕнӕнтӕм гӕсгӕ хуытӕ мӕлынц африкӕйаг емынӕйӕ. Тъонтъобет, Чъимас, Рукъ, Хуымысӕртӕ - ӕдӕппӕтӕй 10 хъӕуы фӕзынд низ.

ЦХИНВАЛ, 4 авг — Sputnik. Хуссар Иры Дзауы районы ӕбӕрӕг рын цӕгъды хӕдзарон фос, фехъусын кодта Sputnik районы пресс-секретарь Тедеты Лиана.

Районы ветеринарон службӕйы  развӕлгъау бӕрӕггӕнӕнтӕм гӕсгӕ хуытӕ мӕлынц африкӕйаг емынӕйӕ. Тъонтъобет, Чъимас, Рукъ, Хуымысӕртӕ, ӕдӕппӕтӕй 10 хъӕуы  фӕзынд низ.

"Дзауы районы Тъонтъобет, Чъимас, Рукъ, Хуымысӕртӕ, ӕдӕппӕтӕй 10 хъӕуы мӕлынц хуытӕ. Районы ветеринарон службӕты развӕлгъау бӕрӕггӕнӕнтӕм гӕсгӕ хӕдзарон фос цагъды кӕнынц африкӕйаг емынӕйӕ", — загъта Тедеты Лиана.

Уый ма банысан кодта, ныридӕгӕн районы хицӕуттӕ архайынц низы апарахат кӕнын ма руадзыныл.

Сырх дзуар æххуыс кæны фос дарыны æмæ зайæгойты куыстгæнджытæн - Sputnik Хуссар Ирыстон
Сырх дзуар æххуыс кæны фос дарыны æмæ зайæгойты куыстгæнджытæн

"Хъыгагӕн, хъӕуты цӕрджытӕ сӕ хуыты мӕрдтӕ фӕкалдтой донбылтыл. Афтӕмӕй та кӕд сбӕлвырд уа, уый африкӕйаг емынӕ кӕй у, уӕд сӕ ӕнӕмӕнг хъӕуы судзын, науӕд та ныгӕнын. Цӕрӕн-коммуналон хӕдзарады кусджытӕ ныридӕгӕн зилынц ӕмӕ ӕмбырд кӕнынц фосы мӕрдтӕ, цӕмӕй низ мауал цӕуа парахат. Ӕввахс бонты фӕбӕрӕг уыдзӕн, цас хуыйы амард низӕй, уыдон нымӕц ӕмӕ сӕ цы низы хатт цӕгъды, уый", — бафтыдта йӕ ныхӕстӕм уый.

Хъӕууон хӕдзарады министрады ветеринарон службӕйы кусджытӕ цыппӕрӕмы бацыдысты Дзауы районмӕ. Хуытӕ цӕмӕй мӕлынц уый сбӕлвырд кӕныны нысанӕн хъуамӕ Уӕрӕсемӕ арвитой ӕрмӕг сахуыр кӕнынмӕ.

Хуссар Ирыстоны африкӕйаг емынӕ фӕзынд 2010 азы кӕрон. Уӕд республикӕйы хуыйы мыккаг рын ныццагъта. Фӕстӕдӕр республикӕйы цӕрджытӕн африкӕйаг емынӕйӕ цы фос ныццагъды ис, уыдон ныхмӕ радтой фыстӕ.

Ног хабӕртты лентӕ
0