ЦХИНВАЛ, 5 авг — Sputnik. Хуссар Ирыстоны паддзахадон университет Адыгейы паддзахадон университет ӕмӕ Майкопы паддзахадон техникон университетимӕ бафыста ӕмгуыстады фӕдыл бадзырд, хъусын кӕны информацион портал "Юга".
Хуссарирыстойнаг уазджыты йӕхимӕ райста республикӕ Адыгейы сӕргълӕууӕг Аслан Тхакушинов. Фембӕлды рӕстӕджы ХИПУ-ы ректор Тедеты Вадим зонадон ӕмӕ ахуырадон фадыджы ӕмархайд дыууӕ республикӕй ′хсӕн схуыдта перспективон ӕмгуыстад.
"ХИПУ-ы Адыгейы уӕлдӕр ахуырадон уагдӕттимӕ бадзырд рагхыгъд кӕны ӕмгуыстад зонадон-техникон, кадрон, инновацион ӕмӕ ӕндӕр фадгуыты, уымӕй дарддӕр ма сразыдзинады фӕлгӕтты ӕххӕст цӕудзысты ӕхсӕнадон нысаниуӕгджын проекттӕ, архайдзысты Уӕрӕсейы зонадон фонды конкурсты", — дзырдӕуы хъусинаджы.
Хуссар Ирыстоны минӕвӕртты бацымыдис кодтой Майкопы университеты ног техникон дӕсныйӕдтӕ. Бадзырдтӕ фидар ӕрцыдысты 4 августы.