Дыгъуызты Аланы фильм райста Чехийы фестивалы сӕйраг приз

© FacebookАлан Дыгъуызты
Алан Дыгъуызты - Sputnik Хуссар Ирыстон
Рафыссын
Киноныв ист ӕрцыд 2014 азы ӕмӕ ныридӕгӕн райста бирӕ призтӕ. Фильм агайы ӕхсӕннационалон конфликтты проблемӕ ӕмӕ ссис ӕрыгон режиссеры дебютон куыст.

ЦХИНВАЛ, 10 авг — Sputnik, Козаты Дианӕ. Ирон режиссер Дыгъуызты Аланы цыбырметражон фильм "Воскресенье" райста Карловы Варыйы ӕхсӕнадӕмон фестивалы сӕйраг приз хуыздӕр режиссерон куысты тыххӕй. Уый тыххӕй режиссер ныффыста социалон хызӕг Facebook-ы.

"Воскресенье" у режиссер Дыгъуызты Аланы дебютон куыст. Фильм агайы ӕхсӕннационалон конфликтты проблемӕ ӕмӕ ссис ӕрыгон режиссеры дебютон куыст. Уый дзуры ӕндӕр ӕмӕ ӕндӕр нацийы хатт дыууӕ ӕрыгон адӕймагыл, кӕцытӕ се ′хсӕн сӕвзӕргӕ конфликт ахицӕн кӕнын бафӕлвӕрдтой "русская рулетка"-йы руаджы.

Фильм Фæсайдзæ – амæлдзæ-йæ кадр - Sputnik Хуссар Ирыстон
"Фæсайдзæ – амæлдзæ"

"Абон Чехийӕ ӕрӕхъуыст хорз хабар. Нӕ цыбырметражон фильм "Воскресенье" Карловы Варыйы ӕхсӕнадӕмон фестивалы райста сӕйраг приз режиссерӕйы тыххӕй, сфӕлдыстадон къорд FARN MOVIE та райста диплом. Арфӕ кӕнын мӕ ӕмвӕндонтӕн ӕнтысты тыххӕй!", — ныффыста Дыгъуызты Алан.

Дыгъуызты Алан у кино æмæ театры актер, режиссер, студи FARN MOVIE бундурæвæрæг. Кинойы хъазын Алан райдыдта Щепкины номыл театралон ахуыргæнæндоны ахуыры рæстæджы, йæ дебютон куыст ссис фильм "Тайный знак". Йæ биографийы ис цыгайнаг театр "Ромэн"-ы куыст, рольтæ ахæм кинонывты, куыд "Парни из стали", "Цвет неба", "Капитанские дети", "Десантура", "Молодой Волкодав", "Кармелита. Цыганская страсть".

Ног хабӕртты лентӕ
0