ЦХИНВАЛ, 10 авг — Sputnik. Цӕгат Ирыстоны сӕргълӕууӕджы хӕстӕ рӕстӕгмӕ ӕххӕстгӕнӕг Битарты Вячеслав фӕдзырдта телефонӕй Санаты Аидӕмӕ ӕмӕ ахсджиаг старты размӕ зынгӕ цӕгатирыстойнаг чемпионкӕйӕн йӕ цӕст бауарзта "сыгъзӕрин" ныхмӕлӕудтӕ Рио-де-Жанейройы Олимпиаг хъӕзтыты, хъусын кӕны РХИ-А сӕргълӕууӕджы сайт.
Ӕввахс рӕстӕджы Рио-де-Жанейройы райдайдзӕн рапиристкӕты хисӕрмагонд турнир.
"Мах сӕрыстыр стӕм, радон хатт дӕр та кӕй хъахъхъӕныс Цӕгат Ир ӕмӕ Уӕрӕсейы кад ахӕм бӕрзонд ӕмвӕзадыл ерысты. Тынг фӕцин кодтам сыхаг республикӕты дзюдоистты ӕнтыстытыл, ӕмӕ, кӕй зӕгъын ӕй хъӕуы, абон ӕппӕт Цӕгат Ирыстон ӕнхъӕлмӕ кӕсы, ды кӕй бауыдзӕ сызгъӕрин майданы хицау. Ныфс дӕ ӕвӕрӕм ӕмӕ дӕм ӕнхъӕлмӕ кӕсӕм хӕдзары уӕлахизимӕ! Ӕнтыстытӕ дын уӕт!", — загъта Битарты Вячеслав.
Зӕрдыл лӕууын кӕнӕм, ӕртыццӕджы Рио-де-Жанейройы кӕй райдайдзӕн рапиристкӕты хисӕрмагонд турнир, уыдон нымӕцы ерысты хайад райсдзӕн Пекин-2008 олимпиаг чемпионкӕ, 2012 азы Лондоны Олимпиадӕйы ӕвзист призер, дуне ӕмӕ Европӕйы чемпионатты призер, Уӕрӕсейы сгуыхт спорты дӕсны Санаты Аидӕ.
