ЦХИНВАЛ, 12 авг — Sputnik. Дӕсаздзыд сывӕллон фӕмард аварийы фӕстиуӕгӕн, кӕцы ӕрцыд цыппӕрӕмы изӕрӕй Цхинвал-Знауыры трассӕйыл, хъусын кӕны МХМ-ы пресс-службӕ.
Трагеди ӕрцыд 17.00 сахатмӕ ӕввахс Цъунары хъӕуы цур.
"Лӕппуйы ныццавта автомашинӕ "Нива". Уый ӕвӕстиатӕй баскъӕфтой рынчындоны реанимацион хайадмӕ, фӕлӕ нӕ бантыст йӕ фервӕзын кӕнын", — банысан кодтой МХМ-ы.
Шофырӕн сарӕзтой медицинон басгӕрст, кӕцы сбӕлвырд кодта, нозтджын кӕй нӕ уыд.
Трагедийы факты фӕдыл баконд ӕрцыд уголовон хъуыддаг.
