ЦХИНВАЛ, 15 авг — Sputnik. Хуссар Ирыстоны хъахъхъӕнынады министрады сгарджытӕ дыууӕ къуырийы дӕргъы уагътой ӕфсӕддон цӕттӕдзинады практикон хӕслӕвӕрдтӕ быдырон уавӕрты, фехъусын кодтой Хъахъхъӕнынады министрады пресс-службӕйы.
Сгарӕн дӕлхайадтӕ 2-14 августы ӕфсӕддон цӕттӕдзинады нывӕзтмӕ гӕсгӕ райстой хайад тактикон-сӕрмагонд ахуырты ахӕм темӕйыл "Сгӕрст ныхмӕлӕууӕджы фӕсфронты уадзын".
"Тактикон-сӕрмагонд ахуырты рӕстӕджы ӕфсӕддон службӕгӕнджытӕ ӕххӕст кодтой архӕйдтытӕ сгарӕн бæрæгдзау, бынаты хъуызгӕ змӕлд, ӕмбӕхсыны фадӕттӕ ӕмӕ ӕндӕр сӕрмагонд хӕслӕвӕрдтӕ", — загътой хъахъхъӕнӕн уагдоны.
Ахуыртӕ цыдысты ӕхсӕвыгон ӕмӕ боныгон бынаты вазыгджын рельефы уавӕрты.
Ахуырты райстой хайад снайперты ӕмӕ бастдзинады дӕлхайадтӕ. Ныхмӕлӕууӕджы архайды нысанӕн Хуссар Ирыстоны кӕмттӕй иуы куыстой мотоӕхсӕн ӕмӕ минӕӕхсӕн дӕлхайадтӕ.
Хъахъхъӕнынады министрады пресс-службӕйы банысан кодтой, ахуырты этаптӕ иууылдӕн ӕнтыстджынӕй кӕй ӕрцыдысты ӕххӕст.
