Ӕбӕрӕгӕй фесӕфӕг ӕмбӕстӕгты тыххӕй фоторавдыст уагъд цӕуы Хуссар Иры

© МКККӔбӕрӕгӕй фесӕфӕг ӕмбӕстӕгты тыххӕй фоторавдыст уагъд цӕуы Хуссар Иры
Ӕбӕрӕгӕй фесӕфӕг ӕмбӕстӕгты тыххӕй фоторавдыст уагъд цӕуы Хуссар Иры - Sputnik Хуссар Ирыстон
Рафыссын
Фоторавдысты экспозицимӕ бацыдысты къамтӕ чиныг "Царды дӕргъӕн мысӕнтӕ"-йӕ, кӕцы арӕзт ӕрцыд хуссарирыстойнаг бинонты радзырдтӕм гӕсгӕ фесӕфӕг хӕстӕджыты тыххӕй.

ЦХИНВАЛ, 16 авг — Sputnik. Змӕлгӕ равдыст "Царды дӕргъӕн мысӕнтӕ", кӕцы нывонд у Ӕбӕрӕгӕй фесӕфӕг ӕмбӕстӕгты бонмӕ, уагъд цӕуы Хуссар Ирыстоны.

Равдысты организатор у Сырх дзуары ӕхсӕнадӕмон комитӕт (СДӔК). Экспозицимӕ бацыд 45 къамы фесӕфӕг хӕстӕджыты тыххӕй хуссарирыстойнаг бинонты радзырдтӕм гӕсгӕ чиныгӕй.

"Царды дӕргъӕн мысӕнтӕ" — фесӕфӕг хӕстӕджыты тыххӕй бинонты реалон историты ӕмбырдгонд. Хъӕппӕрис раразмӕ кодтой ӕбӕрӕгӕй фесӕфӕг ӕмбӕстӕгты бинонтӕ, куыд суинаг фӕлтӕртӕн мысӕнтӕ бахъахъхъӕныны фадат", — радзырдта Sputnik СДӔК-ы миссийы сӕргълӕууӕг Цхинвалы Тедеты Маринӕ.

Къамты равдыст уал ныридӕгӕн фӕуазӕг Знауыры районмӕ. Абон та, 16 августы мадзал байгом уыдзӕн Дзауы райцентры.

Джиоты Мурæт - Sputnik Хуссар Ирыстон
Ӕбæрæгæй сæфтыты бацагурыны фӕдыл эксперт йæ куыст адарддæр кæндзæн апрелы

"Уый фӕстӕ, 19-21 августы, фӕнд кӕнӕм равдыст Цхинвалы районы Хелцуайы хъӕуы ауадзын. 23-25 августы та равдыстимӕ базонгӕ уыдзысты Ленингоры районы цӕрджытӕ. Ӕбӕрӕгӕй фесӕфӕг ӕмбӕстӕгты бинонтимӕ та сӕйраг мадзӕлттӕ уагъд ӕрцӕудзысты Цхинвалы 30 августы ", — загъта Тедеты Маринӕ.

Уый банысан кодта, ахӕм мадзӕлттӕй СДӔК кӕй дӕтты ныфс бинонтӕн, сӕ фарстытӕ ӕнӕ дзуаппӕй кӕй нӕ баззайдзысты, сӕ хиуӕттӕ ӕмӕ хӕстӕджыты хъысмӕт та — ӕбӕрӕгӕй.

Ӕбӕрӕгӕй фесӕфӕг адӕмы ӕхсӕнадӕмон бон нысан кӕнынц 30 августы. Хуссар Ирыстоны абоны бон сӕ хъысмӕт ӕбӕрӕг у сӕдӕ ӕмбӕстагӕй фылдӕрӕн, кӕцытӕ фесӕфтысты 1989 — 2008 ӕзты.

Ног хабӕртты лентӕ
0