ЦХИНВАЛ, 16 авг — Sputnik, Козаты Диана. Уӕрӕсейы Ӕфснайӕн банчы банкоматтӕ Хуссар Ирыстоны бакӕныны бакӕныны фадат фӕзындзӕн ӕрмӕстдӕр дыууӕ бӕстӕйы закъондӕттынадмӕ ивындзинӕдтӕ бахӕсгӕйӕ, загъта дыццӕджы журналисттӕн РХИ Нацбанчы сӕргълӕууӕг Зассеты Феликс.
Хуссар Ирыстоны ӕмбӕстӕгтӕй сӕ фылдӕрӕн ис уӕрӕсейаг ӕмбӕстагад дӕр, уыдонӕй бирӕтӕ Уӕрӕсейы территорийыл исынц пенситӕ ӕмӕ ӕндӕр социалон ӕххуыс, сты уӕрӕсейаг банчыты клиенттӕ. Фӕлӕ республикӕйы терминалтӕ кӕй нӕй, уымӕ гӕсгӕ уыдонӕн сӕ бон нӕу се ‘хца республикӕйы райсын.
"Республикӕйы фидыны системӕйы баконд, кӕцы бар дӕттит УФ Ӕфснайӕн банчы картӕтӕ исынӕн, иу ӕмӕ дыууӕ хатты не ‘скъуыддзаг кодтам уӕрӕсейаг коллегӕтимӕ дӕр. Фӕлӕ ӕмбарын хъӕуы — уый у Уӕрӕсейы националон фидынадон системӕ ӕмӕ йӕм цӕмӕй ӕндӕр бӕстӕ ӕрбаиу уа, уый тыххӕй дыууӕ бӕстӕйы закъондӕттынадмӕ дӕр хъӕуы ивындзинӕдтӕ бахӕссын", — загъта Зассейы фырт.
Уый ма бафтыдта, Хуссар Ир кӕй хъуамӕ бацӕуы Уӕрӕсейы банкон системӕмӕ, цӕмӕй лӕггад кӕна уӕрӕсейаг банкты картӕты хицӕуттӕн.
