ЦХИНВАЛ, 18 авг — Sputnik. Инӕлар-майор Сергей Кузовлев УФ президенты указӕй нысан ӕрцыд 58-ӕм ӕфсады ног командӕгӕнӕгӕй. Раздӕры командӕгӕнӕджы инӕлар-лейтенант Андрей Гурулевы, кӕцы ацы бынаты фӕкуыста ӕртӕ азӕй фылдӕр, сӕвӕрдтой Хуссар ӕфсӕддон зылды (ХӔЗ) командӕгӕнӕджы хӕдивӕгӕй, хъусын кӕны ХӔЗы пресс-службӕ.
58 ӕфсад — иумӕйаг ӕфсӕддон тыхтӕ сӕвӕрдтой Хуссар ӕфсӕддон зылды сконды. Ӕфсады штаб ис Дзӕуджыхъӕуы.
Сергей Кузовлев, биографион справкӕ
Кузовлев Сергей Юрийы фырт райгуырд 7 январы 1967 азы Тамбовы областы горӕт Мичуринскы.
1990 азы каст фӕцис Рязаны уӕлдӕр уӕлдӕфон-командон ахуыргӕнӕндон.
Разамынад лӕвӕрдта 3-аг къӕпхӕны Суворовы ордены 506-ӕм мотоӕхсӕн полкӕн, у Цӕцӕны фыццаг ӕмӕ дыккаг хӕстыты архайӕг. 2005 азы 1 февралӕй 2008 азы июны онг разамынад лӕвӕрдта Приволжско-Уралаг ӕфсӕддон зылды фидауынгӕнӕн тыхты 15-ӕм хицӕн мотоӕхсӕн бригадӕйӕн.
2008 азы бацыд УФ Гарзджын тыхты Генералон штабы Ӕфсӕддон академимӕ, йӕ фӕуыны фӕстӕ нысан ӕрцыд тыхты 18-ӕм хицӕн мотоӕхсӕн бригадӕйы командирӕй.
2014 азы нысан ӕрцыд 58 ӕфсады штабы хистӕрӕй.
2015 азы 4 июлы фидар ӕрцыд иумӕйаг 20-ӕм гвардиаг ӕфсӕддон тыхты командирӕй.
