ЦХИНВАЛ, 18 авг — Sputnik. Ирон боксер Гасситы Мурӕт азы кæрон стох кæндзæн дунейы чемпион фыццаг уæзы категорийы WBA æмæ IBF-ы верситæм гæсгæ Денис Лебедевимæ, загъта "Р-Спорт"-æн промоутерон компанийы сæргълæууæг Андрей Рябинский.
Гасситы Мурӕты уæлахиз америкӕйаг боксер Джордан Шиммелыл ирон боксерæн фадат радта Боксы æхсæнадæмон федерацийы (IBF) чемпионы титулмæ претендент суæвынæнӕн. Лебедев дæр уыцы мæй нокаутæй рамбылдта аргентинӕйаг боксер Виктор Рамиресы æмæ баиу кодта WBA æмæ IBF титултæ.
Боксы æхсæнадæмон федерацийы фехъусын кодтой, Рамирес æмæ Лебедевы тох арæзт кæй æрцыд ахæм домæнимæ, цæмæй уæлахиздзау стæй та йæ тыхтæ бафæлвара Гасситы Муратимæ, кæцы ис рейтингы дыккаг бынатыл.
"Денис стох кæндзæн Гасситы Мурӕтимæ ноябры кæрон кæнæ та декабры райдианы. Бæлвырддæр мæ бон нырма ницы у зæгъын", — загъта Рябинский.
Гасситы Мурæт у дунейон чемпион фӕсивӕды 'хсӕн WBC-йы версимӕ гӕсгӕ, Европӕйы чемпион IBF-йы версимӕ гӕсгӕ, дунейы интерконтиненталон чемпион IBF-йы версимӕ гӕсгӕ. Уый 23 хатты рахызт профессионалон рингмæ æмæ сæ алкæцыйы дæр ссис уæлахиздзау.
