ЦХИНВАЛ, 18 авг — Sputnik. Хуссар Ирыстоны территорийыл 2016 азы фыццаг ӕмбисы регистраци ӕрцыд 19 зынгсирвӕзтты ӕмӕ 182 ссыгъды, уый та фароны азы аналогон рӕстӕгимӕ абаргӕйӕ у фылдӕр, загъта пресс-конференцийы рӕстӕджы РХИ УУМ-ы сӕргълӕууӕг Санахъоты Сергей.
Министр бафиппайдта, зынгсирвӕзтты ӕмӕ ссыгъдтаы сӕйраг аххосаг кӕй у адӕймагон фактор.
"Ацы аз республикӕйы зынгсирвӕзттӕй фӕмард дыууӕ адӕймаджы — Цъунар ӕмӕ Хелцуайы хъӕуты цӕрджытӕ. Хъыгагӕн, ирвӕзынгӕнджытӕн нӕ бантыст сӕ фервӕзын кӕнын", — загъта Санахъоты Сергей.
Министры ныхӕстӕм гӕсгӕ, ӕдӕппӕт РХИ УУМы управленийы центр райста 809 хъусинаджы. Инженерон-саперон басгӕрст ауадзыны фӕдыл та ацыдысты 29 хатты, ӕнӕзианхъом ‘рцыдысты 496 рӕмудзӕн ӕрмӕджы.
Фӕндагон-транспортон цаутӕм УУМ-ы ирвӕзынгӕнджытӕ ацы аз ацыдысты 21 азы.
